Hin árlega kvöldvaka þar sem starfsmenn Höfða bjóða íbúum upp á skemmtiatriði og veitingar var haldin í gær. Borð svignuðu undan girnilegum kræsingum sem starfsmenn komu með að heiman og boðið var upp á fjölbreytta dagskrá.

Edda Júlíusdóttir íbúi á Höfða lék nokkur lög á píanó.  Danshópur sýndi línudans og söngnemendur hjá Sigríði Elliðadóttur söngkennara sungu nokkur lög.

Mikil ánægja var með þessa kvöldvöku sem heppnaðist mjög vel.