dvalarheimili

Sextíu ný hjúkrunarrými bætast við á Höfða

Tue, 07 Jul 2026 16:41:15 GMT

Stórum áfanga var náð þann 30. júní s.l. þegar félags- og húsnæðismálaráðuneytið og eigendur Höfða, Akraneskaupstaður og Hvalfjarðarsveit, skrifuðu undir samkomulag um stækkun Höfða um allt að 60 hjúkrunarrými.

Samningurinn var undirritaður af Ingu Sæland mennta- og barnamálaráðherra, Steinari Adolfssyni bæjarstjóra og Haraldi Benediktssyni oddvita Hvalfjarðarsveitar, og við myndatöku var fagnað að hætti Ingu eins og sjá má á meðfylgjandi mynd.

Höfði hefur verið einn af hornsteinum samfélagsins í næstum 50 ár og notið trausts og góðs orðspors í gegnum tíðina, ekki síst vegna starfsfólksins sem hefur lagt metnað og alúð í að veita íbúum góða og faglega umönnun. Því er það mikið gleðiefni að nú eigi að ráðast í þessa verulegu stækkun sem mun stytta bið eftir hjúkrunarrýmum á Höfða og gera heimilinu kleift að mæta vaxandi þörf í samfélaginu.

Nánar má lesa um málið í frétt á heimasíðu Akraneskaupstaðar.

Tónleikar Guðrúnar Gunnars og Regínu Óskar vel sóttir

Fri, 03 Jul 2026 10:17:39 GMT

Í tilefni af írskum dögum 2026 mættu söngkonurnar Guðrún Gunnars og Regína Ósk á Höfða í gær og héldu mjög vel heppnaða tónleika fyrir íbúa og ýmsa gesti.

Tónleikarnir voru vel sóttir, en um 70 manns voru mættir til að hlýða á þessar söngdívur sem tóku fjölmörg lög og sögðu stórskemmtilegar sögur á milli laga eins og þeim einum er lagið.

Starf verkefnastjóra þjónustu og reksturs laust til umsóknar

Tue, 23 Jun 2026 10:26:38 GMT

Tímabundið starf á skrifstofu Höfða

Hjúkrunar- og dvalarheimilið Höfði auglýsir tímabundið til eins árs, stöðu verkefnastjóra þjónustu og rekstrar, lausa til umsóknar. Sótt er um á alfred.is .

Verkefnastjóri þjónustu og rekstrar gegnir mikilvægu hlutverki í daglegri þjónustu, afgreiðslu og upplýsingagjöf Höfða. Starfið felur í sér móttöku gesta, skipulagningu viðburða, samskipti og þjónustu við íbúa, aðstandendur og aðra hagaðila, ásamt umsjón með ýmsum upplýsingamiðlum heimilisins.

Verkefnastjóri þjónustu- og rekstrar hefur jafnframt yfirumsjón með rekstri ræstingu og þvottahúss og ber ábyrgð á ýmsum innkaupum rekstrarvara.

Helstu verkefni og ábyrgð

Yfirumsjón með almennri þjónustu við íbúa, skipulagningu viðburða og öðru tengt heimilishaldi.
Ábyrgð á afgreiðslu og ýmsum samskiptum við hagaðila.
Umsjón með innri og ytri upplýsingagjöf.
Yfirumsjón með rekstri ræstingu og þvottahúss.
Fjárhagsleg ábyrgð í samræmi við fjárhagsáætlun, aðstoð við gerð fjárhagsáætlunar og skýrslugerð þessu tengt.
Þátttaka í innleiðingu nýjunga og þróun verkferla til að bæta þjónustu og skipulag innan heimilisins.

Menntunar- og hæfniskröfur

Menntun sem nýtist í starfi.
Háskólamenntun er kostur.
Reynsla af mannaforráðum er kostur.
Reynsla af innkaupamálum eða rekstri er kostur.
Þekking eða reynsla af starfsemi hjúkrunarheimila eða heilbrigðisstofnana er kostur.
Mjög góð tölvukunnátta er skilyrði, s.s. Word, Excel, Teams og Outlook.
Gott vald á íslensku og ensku í ræðu og riti.
Framúrskarandi samskipta- og samstarfshæfileikar.
Frumkvæði, jákvæðni og sjálfstæði í vinnubrögðum.

Laun eru samkvæmt kjarasamningi Sambands íslenskra sveitarfélaga og viðkomandi stéttarfélags. Starfshlutfall er samkomulagsatriði, en miðað er við frá 70% upp í 100%.

Nánari upplýsingar um starfið veitir Valdís Eyjólfsdóttir, framkvæmdastjóri Höfða, sími 844-3471, netfang: valdis@dvalarheimili.is.

Fengu verðlaun fyrir framúrskarandi árangur í íslenskunámi

Tue, 23 Jun 2026 10:20:07 GMT

Þrír starfsmenn Höfða fengu á dögunum verðlaun fyrir frábæran árangur í íslenskunámi sem þeir stunduðu í gegnum stafrænu íslenskukennslulausnina Bara tala.

Í lausninni æfir starfsfólk sig í starfstengdum orðaforða og samtölum sem nýtast beint í daglegum störfum. Alls eru 36 virkir nemendur hjá Akraneskaupstað, þar sem Höfði telst með, og á síðustu 12 mánuðum hafa þeir að meðaltali lært í rúmar 19 klukkustundir sem er sannarlega glæsilegur árangur.

Marah Khaddaj (til hægri á mynd) fékk viðurkenningu fyrir að ljúka sumaráskorun sem mannauðsstjóri Akraneskaupstaðar setti upp í appinu. Þá hlutu Laima Linares Hurtado (til vinstri á mynd) og Rosemarie Magbanue (í miðju á mynd) v iðurkenningar fyrir að hafa lokið á bilinu 30-75 klukkustunda lærdómi í Bara tala.

Nánar má lesa um viðurkenningarnar á heimasíðu Akraneskaupstaðar .

Karlakórinn Svanir með tónleika 17. júní

Wed, 27 May 2026 12:48:05 GMT

Pop-up fataverslun á Höfða 4. júní

Wed, 27 May 2026 08:51:59 GMT

Lionsklúbburinn Eðna færir Höfða veglegar gjafir

Thu, 07 May 2026 16:32:40 GMT

Lionsklúbburinn Eðna kom færandi hendi á hjúkrunarheimilið Höfða þann 6. maí 2026 þegar fulltrúar frá líknarnefnd klúbbsins færðu hjúkrunarsviði heimilisins seglalyftara og tvær loftdýnur að gjöf. Þá fékk dagdvöl Höfða einnig nýjar sessur.

Það er einstaklega ánægjulegt að finna þann hlýhug og velvild sem hjúkrunarheimilið Höfði nýtur í samfélaginu og eru Lionskonum færðar innilegar þakkir fyrir þessar nytsamlegu og veglegu gjafir.

Nýr búnaður mun koma að mjög góðum notum og bæta aðstöðu og vellíðan íbúa og dagdvalargesta.

Á myndinni eru (frá vinstri): Sóley Sævarsdóttir húsmóðir (Höfði), Þorbjörg Sigurðardóttir hjúkrunarforstjóri (Höfði), Helga

Jónsdóttir deildarstjóri dagdvalar (Höfði), Kristbjörg, Sigurðardóttir (Lions), Sólrún Engilbertsdóttir (Lions), Aðalbjörg Alla Sigurðardóttir (Lions, formaður) og Sonja F. Jónsson (Lions).

Alzheimerkaffi á Höfða

Tue, 05 May 2026 12:34:11 GMT

Alzheimerkaffi á Akranesi á vegum Alzheimer samtakanna þann
7. maí 2026

Fimmtudaginn 7. maí 2026 kl. 17:00-18:30 verður haldið Alzheimerkaffi í hátíðarsal Höfða á Akranesi.

Gestir verða "Kellingarnar" sem gleða okkur með fróðleik og söng, auk Gísla Gísla og félaga sem mæta með nikkurnar og syngja okkur inn í sumarið.

Kaffið er fyrir fólk með heilabilun og aðstandendur þeirra.

Í boði er lifandi tónlist og kaffiveitingar (kaffigjald 500 kr.).

Engin þörf er á að skrá sig - bara mæta!

Aðalfundur Höfða 2026

Fri, 10 Apr 2026 12:32:59 GMT

Aðalfundur Höfða verður haldinn 4. maí 2026

Aðalfundur Höfða hjú krunar- og dvalarheimilis verður haldinn í Höfðasal mánudaginn 4. maí 2026 kl. 16:30.

Á dagskrá fundar er skýrsla stjórnar, ársreikningur 2025 og önnur mál.

Allir velkomnir.

Lionsklúbburinn gefur vatnsvél

Fri, 10 Apr 2026 12:28:23 GMT

Lionsklúbbur Akraness hefur fært Höfða vatnsvél að gjöf. Vélin er staðsett á fyrstu hæð, fyrir framan dagdvölina, og er kærkomin uppfærsla frá vatnskönnunni sem áður var þar.

Mikilvægt er að drekka nóg vatn og því gleðilegt að geta boðið íbúum og gestum að fá sér ískalt og ferskt vatn hvenær sem er í sameign Höfða.

Höfði þakkar Lionsklúbbi Akraness kærlega fyrir að hugsa til Höfða og færa heimilinu góða gjöf.

Á meðfylgjandi mynd tekur Valdís Eyjólfsdóttir, framkvæmdastjóri Höfða, formlega á móti gjöfinni fyrir hönd heimilisins. Gjöfina afhenti Valdimar Þorvaldsson, fulltrúi Lionsklúbbsins.

Á rúntinum með Kidda Jens

Mon, 16 Mar 2026 20:48:15 GMT

Á hverjum miðvikudegi hittist hópur fólks á Bókasafni Akraness til að fara yfir valdar myndir úr Ljósmyndasafni Akraness o g bera kennsl á það sem fyrir augu ber í þeim tilgangi að bæta skráningar safnsins. Á fimmtudögum fara íbúar og gestir á Dvalarheimilinu Höfða yfir sömu myndir.

Ljósmyndafundunum stjórnar Kristinn Jens Kristinsson eða Kiddi Jens. "Það verður að vera gaman," segir Kiddi og það markmið hefur sannarlega tekist því fundirnir eru orðnir hápunktur vikunnar hjá mörgum sem þangað mæta.

Í meðfylgjandi myndbandi, sem var tekið upp snemma í vetur, förum við á rúntinn með Kidda Jens og heimsækjum með honum bæði Bókasafnið og Höfða .

Sjón er sögu ríkari! Horfa á Myndband

Höfði auglýsir eftir umsjónarmanni fasteigna

Sat, 07 Mar 2026 09:54:38 GMT

Hjúkrunar-og dvalarheimilið Höfði auglýsir laust til umsóknar starf umsjónarmanns fasteigna.

Um er að ræða fjölbreytt og ábyrgðarmikið starf sem snýr að rekstri og viðhaldi fasteigna heimilisins.

Sótt er um starfið á alfreð.is .

Helstu verkefni og ábyrgð

Daglegt eftirlit með húsnæði og aðstöðu (innan- og utanhúss)
Fyrirbyggjandi viðhald og minni háttar viðgerðir
Umsjón með tækjabúnaði og grunnkerfum (t.d. loftræsting, brunakerfi, aðgangsstýringar, lyftur – í samstarfi við þjónustuaðila)
Móttaka og úrvinnsla viðhalds- og bilanatilkynninga (skráning, forgangsröðun, eftirfylgni)
Umsjón með þjónustusamningum og samskipti við verktaka/þjónustuaðila
Umsjón með sorpmálum
Utanumhald með umhirðu lóðar
Viðhald tækja og búnaðar
Úttekt á ástandi fasteigna og gerð viðhalds- og viðgerðaráætlunar
Yfirumsjón með öryggis-og brunavörnum.
Aðstoð við uppsetningu/tilfærslur á húsgögnum og búnaði eftir þörfum
Tilfallandi afleysing í akstri með íbúa og einstaklinga í dagdvöl.

Menntunar- og hæfniskröfur

Iðnmenntun (húsasmíði, rafvirkjun, pípulagnir, málun)
Reynsla af húsumsjón/viðhaldi fasteigna er æskileg
Þekking á tæknikerfum fasteigna er æskileg.
Sjálfstæð og skipulögð vinnubrögð.
Framúrskarandi samskiptahæfni og þjónustulund.
Góð almenn tölvukunnátta
Reynsla af mati á ástandi og viðhaldsþörf fasteigna
D1 meirapróf er kostur

Laun eru samkvæmt kjarasamningi viðkomandi stéttarfélags og Sambands íslenskra sveitarfélaga.

Starfshlutfall er 100%.

Nánari upplýsingar um starfið veitir Valdís Eyjólfsdóttir, framkvæmdastjóri. Netfang: valdis@dvalarheimili.is, sími: 433-4302.

Alzheimerkaffi á Höfða

Sat, 07 Mar 2026 09:45:05 GMT

Alzheimerkaffi á Akranesi á vegum Alzheimer samtakanna þann 19.mar.2026

Fimmtudaginn 19. mars 2026 kl. 17:00-18:30 verður haldið Alzheimerkaffi í hátíðarsal Höfða á Akranesi.

Gestur verður Gunna Stella höfundur bókarinnar Amma nammigrís. Hún segir sína sögu og frá bókinni sem er um ömmu sem hoppar á trampólíni, gerir kollhnísa og getur borðað ótrúlegt magn af nammi. Það sem er hinsvegar farið að gerast hjá ömmu í dag er að hún er farin að gleyma. Amma er með Alzheimer.

Kaffið er fyrir fólk með heilabilun og aðstandendur þeirra.

Í boði er lifandi tónlist og kaffiveitingar (kaffigjald 500 kr.).

Engin þörf er á að skrá sig - bara mæta!

Alzheimerkaffi á Höfða

Sat, 31 Jan 2026 10:39:25 GMT

Alzheimerkaffi á Akranesi á vegum Alzheimer samtakanna 5.feb.2026

Fimmtudaginn 5. febrúar 2026 kl. 17:00 verður haldið Alzheimerkaffi í hátíðarsal Höfða á Akranesi. Gestur verður Emilía Halldórsdóttir sem mun tala um hreyfingu sem forvörn. Kaffið er fyrir fólk með heilabilun og aðstandendur þeirra.

Í boði er lifandi tónlist og kaffiveitingar (kaffigjald 500 kr.).

Engin þörf er á að skrá sig - bara mæta!

Höfði fær málverk eftir Arnheiði Sigurðardóttir að gjöf

Tue, 06 Jan 2026 19:33:01 GMT

Arnheiður Sigurðardóttir, listamaður með meiru, sýndi verk sín á Höfða á Vökudögum 2025 ásamt fleiri frábærum listamönnum. Eftir Vökudaga, eða þann 12. desember 2025, kom hún svo færandi hendi og færði Höfða þetta fallega málverk eftir sig að gjöf. Við þökkum Arnheiði kærlega fyrir verkið sem verður fundinn góður staður á heimilinu.

Höfði fær að gjöf seglalyftara frá Kvenfélaginu Lilju

Wed, 10 Sep 2025 15:20:55 GMT

Þann 1. september 2025 fékk Höfði að gjöf glæsilegan Minstrel Standard seglalyftara frá Kvenfélaginu Lilju í Hvalfjarðarsveit. Komið er að nauðsynlegri endurnýjun á lyfturum á heimilinu og er þessi gjöf því afar kærkomin og mun nýtast bæði íbúum og starfsfólki til framtíðar.

Seglalyftarar – eða sjúkralyftarar – eru mikilvæg hjálpartæki á hjúkrunarheimilum. Þeir auðvelda flutning og umönnun íbúa sem eiga erfitt með eða geta ekki hreyft sig sjálfir. Með þeim skapast bæði aukið öryggi og bætt líðan íbúa, á sama tíma og dregið er úr líkamlegu álagi starfsfólks.

Það er Höfða ómetanlegt að fá gjafir sem þessa. Þær styðja við og styrkja hið mikilvæga starf sem unnið er á heimilinu og bæta daglegt líf íbúa.

Kærar þakkir félagskonur Kvenfélagsins Lilju!

Gjöf frá Lionsklúbb Akraness

Tue, 09 Sep 2025 15:20:55 GMT

Þann 15. apríl s.l. fékk Höfði afhenta höfðinglega gjöf frá Lionsklúbb Akraness – Essenza 300 LT veltirúm ásamt dýnu og gálga. Rúmið er fyrsta flokks sjúkrarúm sem Höfða hefur sárvantað og mun nýtast heimilinu afar vel. Rúmið mun bæta líðan þeirra íbúa sem þess njóta og um leið auðvelda starfsfólki umönnun og daglega þjónustu. Slík gjöf skiptir sköpum í daglegu starfi á Höfða og endurspeglar samhug og samfélagslega ábyrgð Lionsklúbbs Akraness með skýrum hætti.

Stjórnendur Höfða þakka Lionsklúbb Akraness kærlega fyrir þessa rausnarlegu gjöf og hlýhuginn sem að baki henni býr.

Framkvæmdastjóri Höfða

Tue, 09 Sep 2025 15:20:55 GMT

Það eru svo margar góðar ástæður til að eiga samskipti við gesti á síðuna. Segðu þeim frá sölu og nýjum vörum eða uppfærðu þær með ráðum og upplýsingum.

Hér eru nokkrar ástæður til að gera blogg að hluta af venjulegri rútínu þinni.

Blogg er auðveld leið til að eiga samskipti við gesti síðunnar

Það er auðvelt að skrifa bloggfærslu þegar þú hefur náð tökum á því. Færslur þurfa ekki að vera langar eða flóknar. Skrifaðu bara um það sem þú veist og gerðu þitt besta til að skrifa vel.

Sýndu viðskiptavinum persónuleika þinn

Þegar þú skrifar bloggfærslu geturðu virkilega látið persónuleika þinn skína í gegn. Þetta getur verið frábært tæki til að sýna sérstakan persónuleika þinn.

Blogg er frábært samskiptaform

Blogg eru frábært samskiptatæki. Þeir hafa tilhneigingu til að vera lengri en færslur á samfélagsmiðlum, sem gefur þér nóg pláss til að deila innsýn, handhægum ráðum og fleira.

Það er frábær leið til að styðja og efla SEO

Leitarvélar líkar við síður sem birta reglulega nýtt efni og blogg er frábær leið til að gera þetta. Með viðeigandi lýsigögnum fyrir hverja færslu svo leitarvélar geti fundið efnið þitt.

Fáðu umferð á síðuna þína

Í hvert skipti sem þú bætir við nýrri færslu mun fólk sem hefur gerst áskrifandi að henni hafa ástæðu til að koma aftur á síðuna þína. Ef færslan er góð aflestrar munu þeir deila henni með öðrum og færa enn meiri umferð!

Það er ókeypis að blogga

Það er algjörlega ókeypis að halda úti bloggi á síðunni þinni. Þú getur ráðið bloggara ef þú vilt eða úthlutað reglulega bloggverkefnum til allra í fyrirtækinu þínu.

Eðlileg leið til að byggja upp vörumerkið þitt

Blogg er frábær leið til að byggja upp sérstaka rödd vörumerkisins þíns. Skrifaðu um málefni sem tengjast iðnaði þínum og viðskiptavinum þínum.

dvalarheimili

Sextíu ný hjúkrunarrými bætast við á Höfða

Tónleikar Guðrúnar Gunnars og Regínu Óskar vel sóttir

Starf verkefnastjóra þjónustu og reksturs laust til umsóknar

Tímabundið starf á skrifstofu Höfða

Fengu verðlaun fyrir framúrskarandi árangur í íslenskunámi

Karlakórinn Svanir með tónleika 17. júní

Pop-up fataverslun á Höfða 4. júní

Lionsklúbburinn Eðna færir Höfða veglegar gjafir

Alzheimerkaffi á Höfða

Alzheimerkaffi á Akranesi á vegum Alzheimer samtakanna þann 7. maí 2026

Aðalfundur Höfða 2026

Aðalfundur Höfða verður haldinn 4. maí 2026

Lionsklúbburinn gefur vatnsvél

Á rúntinum með Kidda Jens

Höfði auglýsir eftir umsjónarmanni fasteigna

Alzheimerkaffi á Höfða

Alzheimerkaffi á Akranesi á vegum Alzheimer samtakanna þann 19.mar.2026

Alzheimerkaffi á Höfða

Alzheimerkaffi á Akranesi á vegum Alzheimer samtakanna 5.feb.2026

Höfði fær málverk eftir Arnheiði Sigurðardóttir að gjöf

Höfði fær að gjöf seglalyftara frá Kvenfélaginu Lilju

Gjöf frá Lionsklúbb Akraness

Framkvæmdastjóri Höfða

Alzheimerkaffi á Akranesi á vegum Alzheimer samtakanna þann
7. maí 2026