Tónlistarmessa
Í gærkvöldi var haldin tónlistarmessa á Höfða. Þorvaldur Halldórsson söng hugljúf lög og milli laga ræddi sr. Eðvarð um ástina.
Messan var vel sótt og mikil ánægja með þessa ljúfu stund.
Ţorrablót á bóndadaginn
Einn af föstum siðum á Höfða er að halda þorrablót á bóndadaginn. Þorrablótið var í hádeginu í dag og reiddi Haukur kokkur og hans konur í eldhúsinu fram sérlega glæsilegt hlaðborð þar sem boðið var upp á allar gerðir þorramats og snafs með. Mikil ánægja var með matinn sem var mjög góður.
Bćjarstjóri í heimsókn
Í dag heimsótti Árni Múli Jónasson bæjarstjóri Höfða. Í fylgd með honum voru Inga Ósk Jónsdóttir starfsmanna- og gæðastjóri, Laufey Jónsdóttir verkefnastjóri heimaþjónustu og Ragnheiður Þórðardóttir þjónustu- og upplýsingastjóri.
Gestirnir skoðuðu heimilið og heilsuðu upp á íbúa og starfsmenn. Að lokum var svo fundað með stjórnendum Höfða um málefni heimilisins og framtíðarsýn í málefnum aldraðra á starfssvæði Höfða.
Gleđilegt ár
Íbúar, starfsmenn og stjórn Höfða senda lesendum heimasíðunnar bestu kveðjur og óskir um gott og farsælt komandi ár.
Vel heppnađ jólaball
Í gær var haldið jólaball á Höfða fyrir íbúa, starfsmenn og afkomendur. Hátt í 300 manns á aldrinum tveggja til hundrað og tveggja ára mættu á ballið og skemmtu sér konunglega. Andrea Guðjónsdóttir söng jólalögin við undirleik Bjórbandsins og tveir jólasveinar komu í heimsókn og færðu börnunum gjafir. Að balli loknu þáðu gestir veitingar í boði Höfða.
Þetta er fjölmennasta jólaball sem haldið hefur verið á Höfða og kom sér vel að gott pláss er í nýja Höfðasalnum.
Sjá myndasafn hér
Helgihald um hátíđarnar
Í morgun var Ragnheiður Guðmundsdóttir djákni með helgistund í Höfðasal þar sem börn hennar og barnabörn sungu jólasálma, en það er árvisst að afkomendur djáknans annast tónlistarflutning á aðfangadag.
Á annan í jólum verður hátíðarguðsþjónusta þar sem sr. Eðvarð Ingólfsson predikar og kór Akraneskirkju syngur.
Á gamlársdag verður svo helgistund djákna, en þar mun kór Saurbæjarkirkju á Hvalfjarðarströnd syngja.